Altjóða svimjihylur

Nýggi langhylurin er 50 metrar langur og lýkur øll altjóða krøv til kappingar og venjing. Hylurin er ætlaður til bæði úrvalsíðkarar og øll, sum vilja venja undir tryggum og góðum umstøðum. Við sínum framkomnu hentleikum er hylurin væl egnaður til alt frá dagligari venjing til stórar altjóða svimjistevnur.

Á aðru hædd er ein fjølbroyttur salur, sum kann nýtast til ymisk endamál. Í kappingarhøpi verður hann brúktur til hjálparfólk, VIP-gestir og miðlafólk, meðan hann dagliga kann nýtast til fundir, undirvísing og ráðstevnur við panoramaútsýni yvir býin.